Thaçi dhe të tjerët (vepra kundër administrimit të drejtësisë): Hiqen pjesërisht kufizimet për vizitat jo të privilegjuara

Më 21 shtator 2026, Gjykatësi i Vetëm për gjykimin e çështjes rishikoi kufizimet e vëna për vizitat jo të privilegjuara të Hashim Thaçit dhe hoqi një pjesë të tyre që ishin vendosur në korrik 2025. Ndalimi i vizitave vazhdon të jetë në fuqi në lidhje me katër persona, ndërsa ndalimi për vizitorët e tjerë të specifikuar hiqet me efekt të menjëhershëm. Vizitat e tyre do të mbikëqyren në mënyrë aktive. 
Gjykatësi konstatoi, ndër të tjera, se ecuria e procesit ka pakësuar ndjeshëm, në mos ka eliminuar plotësisht, rrezikun e ndikimit të dëshmitarëve në këtë çështje gjyqësore. Sidoqoftë, ai konstatoi se vazhdimi i ndalimit të vizitave nga katër individë mbetet proporcional dhe i domosdoshëm për ruajtjen e integritetin e procesit.
Kufizimet do të rishikohen përsëri në dhjetor 2026.
 
Në një vendim tjetër lidhur me paraburgimin në çështjen tjetër gjyqësore Thaçi dhe të tjerët, që u lëshua më 16 shtator, Trupi Gjykues II pezulloi përkohësisht kufizimin e numrit të vizitave jo të privilegjuara personale të Thaçit, Veselit dhe Selimit për periudhën nga 16 deri 21 shtator 2026, duke e autorizuar Administratoren të planifikonte vizita shtesë gjatë asaj periudhe.